即市新聞

21/05/2020 11:57

《魚缸博客》安踏(2020)現價值博過體操王子(2331)!

  《魚缸博客》全國政協同人大會議會喺今日(21日)同聽日(22日)開幕,「兩會」前
夕,神州出咗兩單有關消費品市場嘅新聞,一係海南推新能源車政策,每買一部新能源汽車獎1
萬銀人仔,去到今年底為止;二係國家體育總局會確定一批國家體育消費試點城市,呢啲城市要
通過政府購買、稅費補貼、消費券等方式引導體育消費,首批試點周期去到2022年。
  老老逗逗,呠呠車呢啲商品入場費高,派得果1萬人仔估計幫助有限,而且神州無幾耐之前
先恢復經濟,啲人係咪真係有心情買車成疑,所以倒不如望下消費入場費較低嘅體品股有咩值得
入手。
  神州體品龍頭有安踏(02020)同「體操王子」李寧(02331),後者主攻時尚市
場,鍾意去外國行完catwalk再將產品放返神州賣,所以博客會覺得佢嘅product
s品味比較獨特,但都係果句,依家啲人未必有心情講fashion,而且隻股現價已經好接
近今年1月中27﹒7銀高位,現買入未必夠肉食。
  相對嚟講,安踏1月中高位喺79﹒04銀,現價仲有近13巴仙獲利空間,較為值博。加
埋近排富瑞出咗份報告,話管理層有信心可實現上半年嘅銷售目標,「安踏」品牌銷售按年會跌
,但「FILA」品牌就可能表現持平或者輕微增長,目標喺下半年所有品牌零售額都可以有正
增長,仲維持今年零售銷售指引添!
  博客認為,就算當管理層「講大咗少少」,全年零售額打個八折,數據都好令人鼓舞。而富
瑞對「FILA」嘅復甦同「Arc’teryx」嗻神州孖屐長期增長保持樂觀,繼續畀買入
評級,同目標價83銀。
  總而言之,依家嚟睇安踏係值得入手過體操王子,旗下品牌亦有佢嘅增長潛力,缸友可以繼
續留意下兩會後有咩體育消費品相關消息利好,保守睇隻股有望先衝返上75銀以上水平。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【健康集氣 友享有賞】疫境自強 第五激 賞Health Smart 「健體強身抗菌禮品包」