即市新聞

24/06/2020 12:02

《魚缸博客》波司登績佳且品牌覆蓋面增,2﹒4銀可買入!

  《魚缸博客》舊年非常熱炒嘅神州服裝波司登(03998)剛剛好就公布去年全年業績,
係新冠肺炎陰霾之下,純利依然增長近23巴仙至至約12﹒03億銀人仔,當中收入按年增長
逾17巴仙,至約121﹒91億銀人仔,仲要創紀錄新高!博客見波司登有增長,發覺佢仲係
有唔少水位嘅魚毛,就想同大家介紹下!
  受新冠疫情影響,去年神州全年社會消費品零售總額同比增長8巴仙,全年最終消費支出對
經濟增長的貢獻率為57﹒8巴仙,消費仍是中國經濟增長嘅第一拉動力,反映神州經濟未來應
該繼續邁向內需消費推動,所以博客長遠看好消費佬。
  首先,博客欣賞波司登唔會固步自封,佢近年肯使錢已經不斷請意大利、美國等地著名嘅設
計師去設計聯名系列,始終歐美衣著潮流依然領導世界讓產品更加時尚。通過產品和品牌的同步
升級,波司登重新回暖,亦都增加咗品牌係歐美的受眾面,助國產品牌真正「走出去」!
  設計愈同世界衣著潮流接軌,銷售額當然愈見上升!當中牌羽絨服業務仍為集團的最大收入
來源,錄得收入約為95億銀人仔,佔總收入的78巴仙,同比上升24巴仙;貼牌加工管理業
務錄得收入約為16﹒1億銀人仔,佔總收入的13﹒2巴仙,同比上升17﹒8巴仙。
  再看看大行點講,美銀證券,首予波司登「買入」評級,目標價3﹒75銀。該報告認為,
神州外套市場增長迅速,波司登利潤藉品牌升級和直銷渠道增長,預測至2022年度盈利每年
增長達82巴仙達20億銀人仔。
  股價走勢方面,波司登近期非常強勢,前3日已經出現3枝見成交量嘅大陽燭,今日仲要裂
口高開,保力加通道擴大,突破到係5月11日所形成嘅2﹒4銀位置嘅短期阻力,估計短期上
升軌道確立,加上目前市盈率只有20多倍落後同業,建議保守者2﹒4銀先第一注,目標先看
2﹒7銀!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【健康集氣 友享有賞】疫境自強 第五激 賞Health Smart 「健體強身抗菌禮品包」