即市新聞

30/06/2020 11:58

《魚缸博客》中芯(00981)極速回A,北水本地客齊炒!

  《魚缸博客》孖屐呢兩日個個都講緊隻中芯國際(00981),因為佢回A速度令人驚訝
,講兩講,原來佢係有望成為科創板最大IPO,7月7日就可以申請,由講要上市到真係可以
畀人申請,頭頭尾尾都係講緊一個月多少少,真係「國家級任務」。
  另外一個「驚訝」,就係噚日(29日)北水一開,大媽們就齊齊力沽,神州稱為「割韭菜
」,咁都係嘅,炒到去28蚊,個個都梗係食胡先講,所以呢兩日現兩支大陰,不過成交額有成
幾十億,連券商都出埋熊仔,證明佢鑊氣十足。
  講下基本因素,因為目前內地晶片受花旗國制裁,所以國家需要扶植神州晶片行業,中芯國
際就係其中一間,而家14nm晶片基本上可以量產。其中14nm晶片對於新電話而言,最低
階嘅都未必再用,但好多智能電器仍然會採用,所以起碼解決到燃眉之急。
  另一方面,有人計過,只要中芯A股一上市,市值就到達2000億,計返個價就大概係3
5銀左右,呢兩日莊家見佢咁熱,就梗係幫佢降下溫,等科創板上市日再炒,所以明顯見到部分
莊家操盤,今日所見,區間操控係25﹒5銀至26﹒2銀咁上下。
  股價起飛前有大戶震倉都係基本動作,但中芯基本面都無乜點變,博客覺得佢都回咗陣,其
實可以先買入,目標價先睇30銀,升破就先食一半;如果短線失守10天線(24﹒85銀)
就好放棄啦!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【健康集氣 友享有賞】疫境自強 第五激 賞Health Smart 「健體強身抗菌禮品包」