即市新聞

28/07/2020 11:45

《魚缸博客》白銀價格越升越有,中國白銀集團可小注買入

  《魚缸博客》呢期中美兩位大佬日日互相駁火,你關我間大使館,我又關返你個間,日日都
有新聞,避險工具需求強大,刺激現貨金都上埋去千九美金,識買金都發晒達。
  不過有樣嘢似乎大家都遺忘了,就係白銀。講起白銀近呢幾年嘅歷史,長期都維持係15、
6蚊美金咁上下,因為畢竟白銀都係工業主導嘅金屬,而且儲存量又大,所以價格要維持穩定,
避免美元流入炒作,所以長期畀人壓價升唔起,今年3月仲低見過12蚊美金。
  不過今年係全球電動車鬥爭最激烈一年,個個都出新款、新功能,而白銀係電池同電路板嘅
其中一個重要原材料;另外,黃金價格急飆,白銀個價格都唔能夠太低,行內有傳金銀比價差太
多的話,有風險之餘,黃金都會被限制升幅,所以近排白銀價格拉升,而且日日創新高。
  正正因為以上因素,中國白銀集團(00815)近期先愈升愈有,公司主要於中國從事製
造及銷售白銀及其他有色金屬,食正白銀呢條水。近期由六毫子一路咁起飛,最多見過1﹒2銀
錢咁上下,升足一倍。
  銀價會唔會保持升幅呢?博客認為,要視乎黃金會唔會企穩二千銀之上,白銀同黃金都係脣
齒相依關係;另外就要睇特斯拉今年下半年啲汽車賣成點,不過特斯拉業績咁強,下半年雖然話
繼續受疫情影響,不過買車呢家嘢都系奢侈品,都係有錢人玩意,影響未必咁大。
  所以中國白銀集團仲可能有第二波升幅,而且股價已經升破1蚊,現價追入都安全,短期可
先睇1﹒5蚊,到位可以先食一半,留一半睇下到唔到2蚊啦!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

【etnet Bonus賞你】上水廣場 x Rody 手提電風扇+兩用Tote bag

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商