即市新聞

29/07/2020 11:45

《魚缸博客》東風(489)回歸A場為新項目籌資,或能推高H股

  《魚缸博客》自從中芯(00981)成功回A場科創板上市後,喺香江上市嘅中資佬都蠢
蠢欲動,繼汽車龍頭吉利(00175)宣佈計劃返科創板上市後,噚日又一車企東風(004
89)都宣佈回歸A場科創板。消息一出,股價裂口高開,盤中曾飆近兩成七,成交爆增近15
倍。搏客近日見佢有所回落,或者係吸納嘅機會。
  東風喺通告入面就話,申請首次發行A股於深圳創業板掛牌,發行不超過9﹒57億股A股
,約總股本嘅一成,發行籌得嘅資金主要用喺全新品牌高端新能源乘用車項目。公司就話,申請
回A係為進一步健全公司治理結構,打造境內外融資平台,提升公司資本實力同競爭力、持續提
高科技創新能力及品牌形象。留意一點,東風今次講嘅回A原因同吉利嘅十分相似。
  其實,東風早喺上年就宣佈成立「H事業部」,今個月中就正式發佈高端電動品牌並成立全
新公司嵐圖汽車科技公司,相信今次籌資係用於依個項目。東風一直係第二大重型卡車製造商,
不過喺乘用車方面就比較弱勢。而且,近年來阿爺一直好關注新能源汽車嘅發展,就喺上個星期
神州工信部仲話,新能源汽車產業發展規劃已上報國務院,將進一步發布實施公共領域車輛電動
化的行動計劃。料東風今次回A有好大機會可以抓住新能源汽車嘅發展機遇。
  大和就話,東風回A場上市可成為H股嘅催化劑。認為喺激烈市場競爭中,技術研發必不可
少,上市獲得更多資金,對東風提升品牌競爭力有幫助,考慮到其他兩地上市的製造商股價表現
,認同在A股市場上市,較喺香江配售更好。
  睇返公仔圖,東風上日爆升後,今日回吐約一半嘅升幅,「孖屐」開始慢慢消化消息,不過
估計喺佢正式掛牌A場科創板會陸陸續續有炒風,建議短線可以5﹒4銀吸納,目標睇6銀。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

【etnet Bonus賞你】上水廣場 x Rody 手提電風扇+兩用Tote bag

新增「恒生科技指數」成份股

【etnet一App通天下】獨家「銀行匯率比較」功能 匯市靚價一眼通 一按直達交易商