即市新聞

30/07/2020 11:40

《魚缸博客》思摩爾(06969)有北水進場,現價入仲有得炒!

  《魚缸博客》新股戰場一直受到缸友們嘅青睞,特別係呢排魚缸暢旺,新股閒閒地都升一兩
成,甚至爆升一倍。好多人話抽到新股最緊要走得快,不過如果業務有潛力,即使依家入手都未
算遲,上市唔夠一個月嘅思摩爾國際(06969)就係一個好例子。
  根據神州煙草官網信息,2018年煙草行業實現工商稅利總額11556億銀人仔,同比
增長3﹒69巴仙;而傳統捲煙嘅全球性需求日益下降,電子煙就有冒起趨勢,市場份額持續上
升。一來係全球日益嚴格嘅控煙政策影響下,傳統捲煙嘅銷售將無可避免受到影響;二來係由於
多國煙草稅普遍介乎60巴仙至85巴仙區間,因此傳統捲煙價格比電子煙貴。加上電子煙只需
要買一支就可以重複使用,仲有多口味選擇。
  思摩爾本身具有科技研發能力,主要從事研究、設計、製造及銷售電子霧化設備及電子霧化
組件,亦即係電子煙相關產品。根據公司介紹,集團屬行業龍頭,舊年佔總市場份額16﹒5巴
仙。睇返近年嘅成績表,思摩爾業績增長非常驚人,營收於兩年內升大約4倍,盈利更升超過1
0倍,毛利率繼續保持升勢。早前公司仲發盈喜,估計上半年經調整後純利將增加38巴仙至4
2﹒9巴仙。
  思摩爾股價表現無令人失望,今年7月10號以每股12﹒4銀上市,上市後股價不斷創新
高,一個月都唔夠股價已升超過2倍,市值衝破2400億銀。
  當大家以為升到36蚊已經見頂之際,恆指公司上周再幫股價打支強心針,表示思摩爾符合
恆生綜合指數快速納入指數規則要求,今個星期一(27日)起正式被納入恆生綜合指數(屬恆
生綜合行業指數的非必需性消費、恆生綜合大型股指數、恆生綜合大中型股指數)、恆生消費品
製造及服務業指數、恆生港股通新經濟指數。意味住思摩爾有港股通交易資格,即係唔單止香江
缸友有得買,連北水大媽都可以進場。所以消息傳出後股價單日再漲2成。
  納入港股通三日內,思摩爾累計已獲得近29億北水淨流入。喺北水支持下,思摩爾在周二
(28日)曾升至44﹒85銀嘅紀錄新高。而呢兩日開始喺39蚊水平整固,相信股價之後有
望創新高,缸友可考慮40蚊左右買入,上望50銀,只要唔跌穿北水入場前價格:36銀可以
繼續持有。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

【etnet Bonus賞你】上水廣場 x Rody 手提電風扇+兩用Tote bag

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商