RSS訂閱 啱啱有兩間藥行公布業績，喺成績麻麻下，股價領同行全線呈軟。其中，聯邦制藥（０３９３３）就話因衍生工具拖累，令油水大減。
投資工具「搭沉船」，向來喺魚缸中都只係非戰之罪，但今鋪踩地雷，係咪已經拆晒彈呢？仲記得喺５月尾時，有祖國傳媒爆出阿爺「改球例」，計劃日後廣東省採購藥物，不論質素、價低者得，意即藥廠日後要玩劈價，只剩番有專利權嘅藥物可幸免。
講到呢度，缸友明白藥廠擁有專利權係幾重要啦！祖國同胞富裕，啲「富貴病」自然萌生，心臟病藥需求都上升，令擁相關藥物專利權嘅四環（００４６０）變成近年嘅搶手貨。咪以為只係博客「隨口噏、當秘笈」，其實，瑞士錢莊及交銀都因此大力唱好。
四環上巿近３年，股價長期潛水，直到今年「五窮」月先掃清晒啲蟹貨，股價鯉魚翻身。該股自舊年５月低位起反彈，股價一口氣咁湧上嚟，雖然股價不斷搶高，但論睇前景，都無佢咁好，值得一吼。若有意入飛，不妨分別喺５蚊及４﹒５銀分注入飛，「他劇」直指再創新高嘅５﹒８銀水平。
《編者按》本欄搜羅即市傳聞，惟消息未經証實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
