RSS訂閱 喺經濟增長已經再無憧憬之下，中字派今年得兩類股份係買得過，第一種就係祖國科網股，因為唔使太睇近期嘅增長，有概念就得；第二種就係阿爺都「Ｂｕｙ」嘅股，唔係阿爺落場買，而係國策令到呢類公司想唔賺錢都唔得。博客推介嘅就係中高速傳動
（００６５８）。
識嘅中傳動缸友都知道，佢做嘅就係風電生意，主要就係生產風力發電入面嘅傳動設備，佔據咗全祖國九成嘅生意份額。風電呢行嘅前景唔使博客多講，剛剛連京師都被評為「接近不宜人類居住」就知道，阿爺係有決心要搞掂污染，近期更提出用１００億銀人仔獎金，去獎勵一啲對防治空氣污染有功嘅企業，中傳動呢門生意只係會長做長有。
望返公仔圖，今日股價創超過兩年新高，周線圖上，只要今日收高於５﹒３２銀之上，亦會出現一個好明顯嘅杯柄突破，雖然現價ＰＥ超過４０倍，但以公司前景同規模嚟睇，４０倍ＰＥ係抵畀佢有餘。另買當頭起，創兩年新高都要追貨，先設２０１１年７月大下跌裂口阻力
６﹒４５銀做第一個目標。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
