RSS訂閱 噚晚（１４日）歐美魚缸都腳軟軟，事關聽朝（１６日）凌晨將會有聯儲局議息結果，另外將會到英倫銀行議息，仲有荷蘭大選，香江今朝都走低，喺十天線（２３６７７左右）拉鋸。
舜宇光學（０２３８２）之前公布上年賺多咗６７％去到１２﹒７億人仔，派２９分，但結果噚日急插４巴仙，可能係因為富瑞話佢毛利會有風險降佢評級去到「揸住先」。而最新大和就出嚟升佢目標價，由６１﹒５銀升到６５銀，重申「入貨」，因為佢業績好過預期，以及管理層喺分析員會議中對今年好有信心，仲調升埋今年毛利率預期同埋盈測。
花旗國加息後其實都預期資金會繼續流入美股，而納指相信可以繼續步步高昇，科技股自然有所炒作，加上有消息指蘋果下個禮拜會發布新產品，市傳係新ｉＰａｄ Ｐｒｏ，相信舜宇再破頂唔係無可能，噚日插一插提供入貨機會，今朝升返多少，有興趣嘅買番多少博一博！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
