RSS訂閱 魚缸今日（２０日）一開波又飛起，最多漲逾１５０點，缸友都憧憬業績期來臨，大條魚仔好似電能（００００６）、恒地（０００１２）、長建（０１０３８）、ＱＱ
（００７００）、長江１號（００００１）都排隊喺聽日同後日放榜，孖屐預期大公司成績亮麗，股價同魚缸都變得有力。
今日藍戰士之中最觸目嘅，該非神華（０１０８８）莫屬啦！公司上年賺多４１巴仙，連特別息每股豪派２﹒９７銀！賓架花旗更上望２１﹒４銀，評級升到「買入」。但神華今朝最多去到１９﹒７８銀，單日升幅兩成太瘋喇，亦大大破咗瑞信畀嘅１５﹒３銀目標價，現價追入風險太高，小心隨時中伏。
之前阿爺表明，煤價無大幅上漲嘅條件，近日資源板塊動力又比起科網股弱，建議有貨缸友襯高位減磅，轉落其他科網股啦！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
