噚晚(20日)外圍無咩大上落,今朝香江魚缸繼續造好,高開63點,暫時最高見24656點又創年半高位,近日尋頂之勢似乎可以持續。
今日資金輪到炒基建鐵路股,加上高盛出嚟唱好佢,國貨佬中頭幾位都畀佢哋搶咗。高盛話估D鐵路股收入喺上年第三季見底,而第四季收入將會開番Turbo,又指中國中鐵
(00390)、中鐵建(01186)同埋中交建(01800)上年強勁新增訂單可以喺未來幾年變做收入,分別估佢哋全年會多賺14巴仙、一成同埋8巴仙,去到139億、139億同埋171億銀。
睇番公仔圖,呢幾隻最近幾個月形成咗上升軌,加上就快出業績,提早炒定先都正常,較保守嘅缸友唔想咁大風險的話,不妨趁月底放榜前沽緊多少貨鎖定利潤啦!
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情