RSS訂閱 外圍除咗「侵侵」同「肥仔金」嘅口水戰之外，仲有神州同印度嘅僵持咗好耐嘅雙邊關係，若果有咩風吹草動，香江孖屐都會受到影響。花旗國道指跌３６點，標普同納指都無奈碌低咗少少。香江今日先高開３４點，之後就腳仔軟喇，一度跌低近５００點。
博客覺得只係淡友借勢發難，前日（８日）同噚日（９日）香江孖屐都有超過九百幾億嘅成交額，證明現階段市面上嘅資金仍然充裕。缸友可以試可喺公用民生股搵下食，博客戶各位鄉親父老推薦北控水務（００３７１）。
最近呢幾個月，神州大搞ＰＰＰ「十三五」環保水務嘅大Ｐｒｏｊｅｃｔ，動輒過億人仔，識貨嘅缸友們就堅喺要食正呢條水喇！
北控水務最新就搵埋壽仔（０２６２８）一齊搞個大嗱嗱２４０億人仔嘅大基金，想搞個水務嘅基礎設施，結果一簽就簽３０年丫，其中壽仔喺大阿哥，佔基金個ｐｏｒｔｆｏｌｉｏ成五成；北控水務都唔差，直接持有近３７﹒５巴仙。
神州搞咗一年幾嘅「供給側」改革，就係呢個時候「大顯神威」喇，將水務業務呢塊餅有咁大整咁大，相信北控水就可以從中受惠喇。睇番公仔圖，１４日ＲＳＩ都近４９呢Ｄ水平，有排未到超買。想短線食正呢條水嘅缸友，建議現水平吸納，目標價６﹒６銀。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
