魚缸博客

18/10/2019 11:58

《魚缸博客》雷蛇Keep住有交投,搞5G雲端遊戲有炒作?

  話說呢一年5G都係成日講嘅題目,由炒中資電訊、手機、零部件股,基本上都兜咗一個循環,博客梗係覺得差咗啲嘢咁,然後再睇睇今日有單news:「雷蛇喺星洲推5G雲端遊戲試驗計劃」。嗯,機會嚟啦。
  雲端遊戲其實都講咗年幾,但一直都只聞樓梯響,因為技術行先,但硬件未成熟,同埋要考慮業界同消費者接受,所以等到博客頸都長。依家5G開始逐漸實行,5G手機都推出埋,差在有咩遊戲可以配合下,點知雷蛇(01337)都想分一杯羹,果然行係時代尖端。
  雷蛇呢隻股,博客幾欣賞,因為都幫過我賺錢,所以念念不忘。佢又唔似一般炒完就算嘅散水股,日日都Keep住有三幾百萬成交額,所以真係好神奇,而股價又唔太波動,博客唯一解釋係唔排除有人秘密地收緊貨,而且佢只係個幾銀錢,成本又平,儲下貨都唔太壞。而且佢對上一份業績有驚喜,博客認為佢盤數轉正數機會頗大,所以有春江鴨密密咁收貨係有原因。
  買股票從來都係「買未來,賣結果」,博客覺得雲端遊戲肯定係未來趨勢,意味大家唔使成日計住數據流量、又要計住自己部機有幾多位,直接Online登入之後就可以開始遊戲,download隻game都費事,如果有邊件硬件公司開始做好呢方面預備,一推出相關技術同遊戲就可以推賣部手機。有咩類型遊戲做到?好似「食雞」啊,Dota類遊戲都已經做緊類似東西,過多幾年應該開始成熟了。
  講下操作,博客覺得佢橫行咗個幾月,短期內再度下跌機會不大,係1﹒38果個低位都算鐵底,距離依家都係亳幾子,可持貨程度都幾大,依家開始每日入小小等佢開車,只要入貨成本唔低過1﹒35銀都可以繼續揸,頂位暫睇1﹒8銀先食一半,餘下嘅等佢繼續飛下,見轉角就開始沽埋啦。預計都喺2銀係極限,中短期炒波幅都都一個唔錯選擇。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
風水蔣知識
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力