RSS訂閱 博客等咗幾日，「契媽」概念股終於有啲回吐！其中一度化身紅底嘅移卡（０９９２３）就係博客今日心水推介！
人稱「女股神」或者被連登仔稱為「契媽」嘅Ｃａｔｈｅｒｉｎｅ Ｗｏｏｄ相信唔洗介紹大家都熟悉。佢「點石成金」能力都無容置疑。契媽眼光獨到，而且多數都係睇長線，就好似佢一早就Ｓｔｒｏｎｇ ｈｏｌｄ（堅定持有）嘅特斯拉，由此可見移卡仲有一定發展空間。
移卡主要做一站式支付服務，同埋為商戶提供ＳａａＳ服務。神州用電子銀包已經係勁普及，幾乎間間鋪頭都用電子支付，連新年都派電子紅包。而ＳａａＳ更加係大趨勢，移卡半年營業額已經增長超過５倍！業務食正勢頭，真係估唔到頂，雖然累計咗一定升幅，但值博率仍然唔錯。
睇返公仔圖，移卡依家均線多頭排列，股價沿擴張嘅保力加通道上揚，創１２２﹒７銀新高，而ＲＳＩ升到７０以上超買水平有支持，缸友們有貨都唔洗心急要食糊，放吓紙鳶先。無貨都唔洗心急，等佢回調到十天線（暫時大約９６﹒２銀）左右分段入貨都未遲。
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
