RSS訂閱 《魚缸博客》魚缸難得好景番些少，花旗國聯儲局主席耶倫又嚟料，孖屐預計耶倫短期內放
鷹機會比較大，雖然缸湖中人都認為９月加息唔大，但係距離揭盅日子仲有成個月，觀望氣氛又
要再籠罩香江，兩萬三呢一關認真難過。
大新金融（００４４０）半年賺少接近１５巴仙，差過預期，而且同其他同業一樣，面臨緊
資產質素惡化嘅問題，減值貸款比率升到１﹒０３巴仙，喺早年人人北望神州，如今阿爺有難，
擴展神州孖屐嘅錢莊自然要同呼吸共命運。
不過明眼人都知道，大新金融股價走勢同佢嘅業績關係唔大，事關大新金融決定出售壽險業
務畀深圳房地產商泰禾集團（深：０００７３２），缸友一來寄望賣仔換取收益，二來希望同小
股東分甘同味，大派特別息。所以，大新金融一日未完成出售，估值潛力仍然存在，缸友可以趁
呢排股價走下坡收集，等佢再創新高！
《編者按》本欄搜羅即市傳聞，惟消息未經證實，《經濟通》亦不保證內容之準確性。
【亞洲最矚目財經講座】陶冬看「2023年：政策轉變之年」與您分析環球市場焦點、中國宏觀經濟、香港樓市前景。► 火速報名
