RSS訂閱 噚晚（２７日）花旗國魚缸腳軟軟，今日期指結算日香江亦都跟住低開４３點，雖然試過倒升，但好快又沉番落去，可能驚今晚花旗國ＧＤＰ靚又會增加加息預期吧。
安踏（０２０２０）公布第三季安踏品牌零售金額按年有低雙位數升幅，非安踏品牌產品更加有六至七成增長，超勁！出年第二季訂貨會喺９月完咗，亦都有中單位數升幅。野村指銷售好勁，維持「買入」評級，維持目標價２５﹒３銀；麥格理更加升目標價去到２３﹒７銀，畀「跑贏大市」評級。
睇番公仔圖，今朝大升逾６巴仙，已經升破保歷加通道頂部（２１﹒９７銀左右）呈超買，之前逢升破都見沽壓，建議趁升緊，沽走多少先。始終呢排個市弱弱地，等回番去廿天線
（２０﹒８４４）先入番都唔遲！
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
