RSS訂閱 「侵侵」（特朗普）嘅移民政策，趕絕晒戶籍有問題嘅人士，惹來好多人不滿。如果一個領導人唔係下令趕走人，而係下令趕走薄餅上嘅配料，唔知又係咪一樣咁多人唔鍾意佢呢？
據報，冰島總統約翰內松之前出席高中活動時，就大大聲話要禁止將菠蘿用嚟做薄餅配料，因為佢極反對將菠蘿加到薄餅之上。
加唔加菠蘿，竟然都要勞動到總統開口，真係嚇死人。事件當然惹嚟好多人關注，約翰內松之後澄清，話自己其實無權咁做，又話自己無權立法去禁止薄餅加菠蘿，話自己鍾意菠蘿，只係唔喜歡放落薄餅一齊食。
不過，約翰內松上任後，試過拒絕加薪兩成，又捐出一成人工畀慈善機構，仲參加同性戀遊行，獲得唔少民眾支持佢，今次只係飲食方面奄尖咗啲啫。當然，如果香江政府唔准民眾喺燒賣腸粉落辣油，盈盈會第一個走出嚟抗議呀！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
