RSS訂閱 魚缸今朝（２３日）喺平保（０２３１８）業績造好之下高開，走上６０點報２４３８１點，之後升幅輕微擴大，而１１點左右期指飛起過百點，亦都算係一個良好勢頭。不過剛放榜嘅ＱＱ（００７００），由於業績一般，未能夠為孖屐帶來太大驚喜，今日就要捱沽一下。
噚日放榜嘅超人一號（００００１），純利增長６巴仙比預期好，年賺３３０億銀，每股經常性盈利亦增長４巴仙，反映集團業務極強，能夠為公司產生持續性現金流。公司不停物色海外項目收購，年度期間港口服務收益、零售業務貢獻弱咗，但赫斯基能源轉虧為盈，可見今年環球資源業境況好轉，超人一號應該可以繼續受惠。
超人感慨香江ＧＤＰ得２巴仙，聰明嘅超人係唔會比少少２巴仙嘅ＧＤＰ局限住嘅，公司旗下歐洲電訊業務，連超人都話「做得不錯」，３意大利同Ｗｉｎｄ嘅合併，令公司ＥＢＩＴＤＡ增長９巴仙。
環球孖屐風高浪急，要買穩陣股的話，超人一號亦係唔錯嘅選擇，預期快將變身紅底股！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
