RSS訂閱 雖然結果早知、市民大眾亦冇票投，但相信唔少缸友噚日（２６日）都有睇實電視，話晒特首選舉影響住香江未來５年嘅命運，最終林太無懸念以７７７票當選。可惜受外圍不明朗因素拖累，魚缸今朝（２７日）腳軟軟，仲一度守唔住十天線（約２４２６４點），似乎期指結算前都要再繼續調整。
華晨（０１１１４）舊年純利３６﹒８２億人仔，升５﹒４巴仙，不派息。期內華晨寶馬銷量增長８巴仙，揸ｆｉｔ人吳小安話，今年會陸續推出新車型，加上神州豪華砵砵車孖屐升勢強勁，有信心全年寶馬銷量會大升至少兩成。而大和就讚佢成績符合預期，更加指今年華晨寶馬研發費用會下降，淨利潤仍然有上升空間。
華晨今朝漲近５巴仙，若以上年年底計，累計升幅約２６巴仙，同一眾砵砵車街坊的平均進度差唔多。之不過，華晨業績潛力十足，絕對有力跑贏，下站目標１４﹒７銀，已經係２０１５年４月嘅整固位。
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
