傳聞

23/05/2017 15:58

《魚缸博客》中冶(01618)跌穿250天線,撈底機會嚟喇!

  魚缸今朝(23日)都仲好生猛,又創22個月新高,神州保險佬呢兩日都好威水,更加有成三名保險佬係今日創咗出高位,一哥平保(02318)仲要連續兩日喺22個月高位插旗,依家最高喺49﹒5銀,差少少就可以上到50銀。
  「一帶一路」首個論壇係上個禮拜開完,唔少基建佬鐵路佬都搶先係論壇舉行前偷步炒上,唯獨神州中冶(01618)開後波。查實,中冶股價喺今年四月創咗3﹒39銀、差唔多兩年新高後就冇晒油,雖然中間有炒過吓雄安概念同一帶一路概念,但依然比唔到上升動力,仲要失守咗好多條平均線,今日連最後一條防線250天線(2﹒666銀)都要跌穿埋,睇嚟就應該可以趁機去撈底博跳彈床。
  中冶成績表都唔差,舊年同今年首季同賺多咗12巴仙同近6巴仙,如果之後個幾季度盈利都枕住都返咁上下升幅,今年成績表實相當靚仔。今年頭四個月新簽合同較舊年同期多咗近18巴仙,新簽海外合同額都有成139﹒5億人仔。睇返佢嘅估值,今年預測PE只喺得7﹒87倍,低過晒所有街坊,真喺平到冇朋友。另外,依家中冶A股較H股大嗱嗱溢價成1倍幾,如果要計埋未反映雄安同一帶一路嘅概念,分分鐘可以成為黑馬。  
 
 《編者按》本欄搜羅即市傳聞,惟消息未經證實,《經濟通》亦不保證內容之準確性。

全新etnet健康網購,送你【健骨維他命D3(1000IU)】乙樽(價值$108)► 立即行動!

放大顯示
政經專訪
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力