RSS訂閱 股王ＱＱ（００７００）偏軟，手機「雙雄」瑞聲（０２０１８）、舜宇
（０２３８２）齊齊走高，魚缸僅高開５點報２８６４４５，未幾便發威彈高至２８８２６點，漲１８６點，收復５０天線（約２８７８０點）！
觀乎目前大市嘅勢頭，博客建議趁依家聖誕快將至，加上孖屐加息似乎已成大局，但好彩香江三間錢莊大象（００００５）、中銀（０２３８８）同埋渣打（０２８８８）齊齊有話兒，指香江資金仍然充裕，加上香江以至亞洲區經濟仍有唔錯嘅增長，有力留住資金咁話喎！所以，博客建議各位缸友可吼實大象，來個「防守型」部署喇！
由上月２２日至今月７日經過咗蒸發逾２０００點嘅「大調整」，但呢隻大象都只係跌咗１﹒９５銀，區區２蚊跌幅，對於大象來講都唔算都係Ｄ乜野，果然不失霸氣。
另外，南下北水喺上個禮拜五（８日）仲大增２﹒３倍添，當中大象續受北水歡迎，連續第五日有近４２億銀流入添，然而大象今日仲試過喺７８﹒９銀上插旗添，可見北水嘅威力真係不容忽視喇！
睇番公仔圖，大象目前企喺７８﹒３銀附近，博客建議可現水平吸納，短期首個目標上望
８０銀，創逾九年高位喇！
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
