傳聞

09/02/2018 15:58

《笑傲缸湖》fb測試「負評」按鈕,少數花旗國人率先試玩!

  《笑傲缸湖》若果各位好記性嘅話,盈盈月前已經提及過臉書(Facebook,fb)
嘅動態時報(News Feed)帖文,要以家庭朋友為先;今次fb再有新嘗試!據網上報
道話,目前fb正在測試「負評」(Downvote)嘅功能。消息既出,便隨即引起公眾熱
話,究竟係點嘅一回事呢?
  事緣係有個花旗國記者發現,佢臉書嘅帖文欄上邊,除咗「Like」同埋
「Comment」之外,仲多咗一個「負評」嘅button!若撳下負評嗰陣,仲可以有多
三個選擇,分別係「冒犯性」、「誤導性」同埋「標題不符」,按咗落去之後,fb就可以識別
到呢則post係假新聞,抑或係惹人反感。
  其後fb更澄清話,佢地唔係測試緊「Dislike」(不喜歡)嘅button,而係
正在測試緊一個更有效率地出post嘅功能,但目前只會隨機開放畀花旗國入邊,5個巴仙嘅
Android用家身上。有得率先試玩呢個功能,都真係相當幸運呀!
  fb仲強調,目前只係進行一個短期測試,仲只會喺fanpage group嘅公開帖
文出現,但暫時仲未會喺社團、公眾人物,或一般用家到出現。
  盈盈估計,臉書今次似乎係想延續「關係為先」嘅信念,今鋪更想拋個「波」畀班用家,自
行篩選呢D內容不適當嘅帖文,咁樣fb就乾淨晒啦。fb朱仔呢個心願是否達成,就要有賴各
位用家合作合作啦!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新【etnet健康】專頁登場喇!立即成為Fans獲得最貼身實用嘅健康資訊! http://fb.me/health.etnet.com.hk
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet社創SolN】有種‧味道之容易吞嚥端午粽工作坊 - 立即報名!

經濟通攝影記者張嘉奇於《前線‧焦點 2017》新聞攝影比賽獲得季軍

【etnet Bonus賞你】TKO街市 「陶瓷餐具套裝」