傳聞

20/04/2018 15:58

《笑傲缸湖》天貓8萬個榴槤一掃而空,泰國官員「金枕頭」贈馬雲

  相信緊貼時事嘅大家,都已經收到風,阿里巴巴同泰國政府簽訂咗一系列嘅協議喇,內容主要就有關阿里會喺三年內,幫泰國銷售價格30億人仔嘅金枕頭榴槤喇。為咗配合返個主題,泰國商務部都揀咗份相當有心思嘅禮物畀馬雲。無錯,就係一個金枕頭榴槤!
  唔講都唔知,原來早兩日天貓已經開始咗金枕頭榴槤嘅預售喇,8萬個金枕頭被一掃而空,係8萬個啊!真係厲害。不過唔好諗住叫做預售,就一定要等好耐啊,正正喺馬雲出席緊個記者會嘅時候,背後嘅工作人員已經密鑼緊鼓,準備要將最新鮮嘅金枕頭送到客人手上。由喺原產地採收,到運送到中國,全程只係需要120小時,即係五日時間。
  內地人好鍾意網購就眾所周知啦,不過估唔到原來新鮮食品都可以透過網上平台買到,仲要係由產地直送,保證新鮮!馬雲就表示,不單止想賣泰國嘅農產品,想賣嘅仲有未來,仲話希望雙方一齊為未來努力。
  好聽嘅說話當然人人都受喇,泰國副總理頌吉就回應話,揀啱咗合作夥伴。不過榴槤始終唔係人人都食嘅生果,唔知馬雲自己本身食唔食嘅呢?《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
練好基本功
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力