RSS訂閱 話說「鋼鐵人」馬斯克旗下ＳｐａｃｅＸ日前宣布，將會喺２０２３年用自己開發嘅運載火箭Ｂｉｇ Ｆａｌｃｏｎ Ｒｏｃｋｅｔ（ＢＦＲ）送日本富豪前澤友作上太空，並成為史上第一個自費嘅乘客！前澤仲話會帶６個藝術家一齊環繞月球，誓必同朋友開心ｓｈａｒｅ呢個難忘嘅時刻！
亞馬遜創始人貝索斯（Ｊｅｆｆ Ｂｅｚｏｓ）似乎唔想馬斯克誓晒風頭，最新就對外宣布，旗下公司Ｂｌｕｅ Ｏｒｉｇｉｎ下年將會有載人上太空嘅ｍｉｓｓｉｏｎ添，不過未知是工作人員定係乘客。
其實，Ｂｌｕｅ Ｏｒｉｇｉｎ ＣＥＯ史密斯（Ｂｏｂ Ｓｍｉｔｈ）早喺上年年尾就向公眾表示，公司有考慮過喺今年宣布相關運載自費乘客嘅大ｐｒｏｊｅｃｔ。
就盈盈了解，Ｂｌｕｅ Ｏｒｉｇｉｎ開發緊嘅太空艙ｓｉｚｅ約５３０立方英尺，足夠容納６個人。貝索斯仲表示大約會喺２０２０年成事添。該公司高層仲話，預料下年開始就會向公眾售票架啦！
盈盈喺呢一刻好想高歌一曲：「願我會揸火箭，帶你到天空去，在太空中兩人住～」，唔知盈盈嘅另一半幾時帶我一飛沖天呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
