RSS訂閱 根據花旗國國家癌症研究所（Ｎａｔｉｏｎａｌ Ｃａｎｃｅｒ Ｉｎｓｔｉｔｕｔｅ）嘅數據報告顯示，花旗國大約有九分之一嘅男性會喺一生之中患上前列腺癌，而花旗國現時有接近３００萬名確診患有前列腺癌嘅患者仍然在努力抗癌。
前列腺癌屬於非侵略性嘅癌症之一，大眾無從入手難以確定病患所需要嘅適當治療，故愈早發現，根治的機會愈高。谷歌（Ｇｏｏｇｌｅ）最近開發嘅有關就可以幫到手啦！呢個系統利用人工智能科技開創咗一個評分系統，並對前列腺癌患者細胞進行分類兼分析，相信對患者選擇針對性治療嘅時候有相當大嘅幫助。呢個系統準確率仲可以高達七成，已算好勁架！
谷歌嘅技術主管Ｍａｒｔｉｎ Ｓｔｕｍｐｌｅ以及ＡＩ醫療保健產品經理Ｃｒａｉｇ Ｍａｒｍｅｌ就解釋，呢個名為格里森嘅評分系統會以正常前列腺細胞作為基準，再對比樣本中有問題嘅腫塊以作檢測，當最後得出嘅等級愈高，進一步發展成為前列腺癌嘅風險就愈大，同時亦代表患者愈有可能從有關治療中得到適當治療。
如果ＡＩ技術繼續發展的話，並得到普及的話，相信絕對可以令人類嘅生活質素大大改善。盈盈期待見證十年後充滿科技同人工智能嘅世界呢！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
