傳聞

07/12/2018 15:48

《笑傲缸湖》蘋果emoji再起風波,今次關墨魚事!

  《笑傲缸湖》每次蘋果公司新增emoji之後,都會引嚟一眾蘋果迷睇吓有咩亮點同玩味
一番,早前新增嘅70個emoji入邊,其中一款百吉圈(Bagel)就因為「太普通」,
外觀似膠多過百吉圈,畀網友加以抨擊,仲聲言話要遊行去蘋果總部咁話,事後蘋果為咗令一眾
蘋果迷息怒,先「跪低」將佢畫返靚靚。
  事隔兩個月emoji風波再起,不過今次唔關百吉圈事,反而關烏賊事,究竟今次蘋果又
衰咩啊?
  事源位於花旗國加州嘅蒙特利灣水族館(Monterey Bay 
Aquarium),星期三喺Twitter(推特)發文話,一款推出咗兩年嘅烏賊
emoji表情,存在住「結構錯誤」,原來嗰款emoji將烏賊嘅身體結構調轉咗,將原本
喺腦後用嚟呼吸嘅虹吸管,放錯咗喺烏賊(墨魚)嘅臉上,而惹嚟科學界恥笑。不過睇返歷史,
蘋果都唔係第一次犯呢類低級錯誤喇!例如之前就畀人指出佢嘅章魚emoji表情只有4條觸
鬚、早期嘅龍蝦表情亦只有6隻腳。盈盈諗諗唔知今次蘋果喺收到呢個嚟自水族館嘅發文之後,
會唔會再「跪低」呢?
  其實,細節決定成敗,一向講求細節嘅蘋果公司,最後都應該會順應民意「改過」嘅,但係
缸友們可能更加想蘋果公司喺股價上「順應民意」,是關最近整個科技股板塊都十分弱勢,而作
為龍頭嘅蘋果當然首當其衝,以昨日收市價計,現時佢嘅市值已經縮水到8291億美銀,畀微
軟同亞馬遜同時超過,睇嚟蘋果都要加油加油喇!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet Bonus賞你】數碼港「聖誕Q版LED光纖燈」

【活動花絮】【DIVA Channel 4周年‧Beautiful Soul】For Fans 西洋書法工作坊

【etnet Bonus賞你】康怡廣場 X RACCOON FACTORY萬聖節限量版咖啡杯