傳聞

11/01/2019 11:58

《魚缸博客》萬洲表現強勢,隨中美貿易關係明朗化可睇高一線!

  《魚缸博客》聯儲局主席鮑威爾又再放鴿,刺激花旗國嗰邊再漲,連升五日,不過香江呢邊
似乎消化完中美關係明朗化之後,就再次回歸悶局,但暫時都仲叫企穩喺百天線之上,都算係咁
啦!
  中美會談前排結束,雖然就無咩具體細節公布,不過有消息就話神州會加大採購花旗國嘅商
品同服務,當中農產品係當中嘅主力購入部分,隨住中美關係好轉,之前受貿易戰影響嘅一啲魚
毛近排都有啲反彈,好似豬肉佬萬洲國際(00288)就已經連升第六日,累計升咗成一成半
表現真係十分強勢啊!
  其實萬洲早年就收購咗位於花旗國、全球最大嘅豬肉及加工食品商Smithfield 
Foods,所以之前中美關係攪到熱烘烘嗰陣,加上業績麻麻,股價喺去年年中狂跌,不過隨
住中美關係有明朗化嘅跡象,喺花旗國嘅業務,應該可以帶動返業績造好啦!
  加上近排神州開始鬧豬瘟,萬洲喺花旗國嘅業務可能可以分散「神州豬瘟」嘅風險,另外大
家都開始擔心肉價會因為豬瘟而上漲,喺呢啲因素下萬洲業務可以睇高一線。高佬最新嘅研究報
告都撐佢,預期萬洲第四季喺神州嘅利潤會穩定增長,花旗國業務利潤增長亦會持續改善。雖然
預計第四季經營利潤仍要按年跌29巴仙,但跌幅較第三季會收窄。而隨著中美貿易戰緩和及墨
西哥取消關稅,預計花旗國上游業務利潤會逐步復甦,估計生豬虧損收窄,及屠宰場效率提升,
可以提振佢全年利潤回升30巴仙。
  以現價計,萬洲市盈率大概10倍到11倍,估值吸引力,睇埋公仔圖近似乎想試試收復上
年11月高位6﹒57銀嘅位置,現時佢已經收復晒所有主要平均線,建議缸友可以考慮喺股價
回落到6﹒2銀吸納,進取者現價(6﹒5銀)買入亦無妨,目標價返上年六月第二個下跌裂口
底部7﹒2銀嘅位置,但如果未來股價跌到5﹒6銀就要識走人喇!
  
   《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet Bonus賞你】港鐵商場「時來運轉利是來」利是封

【etnet Bonus賞你】皇室堡 x Elephant & Piggie「豬」籠入水利是封

【活動花絮】【DIVA Channel 4周年‧Beautiful Soul】For Fans 西洋書法工作坊