傳聞

11/02/2019 15:40

《笑傲缸湖》小朋友患自閉症,或同空氣污染有關!

  《笑傲缸湖》空氣污染可能引致自閉症?花旗國前環保局局長,兼哈佛大學氣候、健康和全
球環境中心主任麥卡錫(Gina McCarthy)就認為兩者之間有明顯嘅關係啦!
  最新科學文獻報告入面顯示,空氣污染可能導致小朋友慢性疾病嘅形成,其中包括自閉症。
事實上,由於小朋友呼吸速度較大人快,吸入污染物嘅機會亦相對高,加上小朋友生活空間較接
近地面,小朋友特別容易受空氣污染影響。袋鼠國環境流行病學教授Yuming Guo就話
,小朋友發育緊嘅大腦好容易受到環境入面嘅毒性氣體同埋空氣中嘅微塵污染物影響,有研究更
加認為空氣污染會影響大腦同埋免疫系統嘅功能。空氣污染對人體造成嘅傷害真係不容忽視架!
  另外,袋鼠國莫納什大學(Monash University)嘅科學家亦對一千多個
三歲以下嘅神州小朋友做咗一項研究,最後發現被暴露於工業排放物,汽車廢氣,同埋其他室外
污染嘅小朋友,患上自閉症譜系障礙(ASD)嘅風險較其他小朋友足足高出78巴仙咁多!
  世界衞生組織係2014年曾經公布,估計空氣污染係2012年造成約700萬人死亡,
換句話說,即全球每8名死者當中,就有人死於空氣污染引致嘅疾病。
  香江空氣污染嚴重,危害健康,「殺人於無形」,大家千其唔好掉以輕心,出入人多擠迫嘅
地方,可以考慮戴返個口罩保障自己啊!
  盈盈始終認為,健康係人類體會幸福嘅主要來源,適逢人日,盈盈喺到祝大家生日快樂,最
緊要身體健康啊!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【新春好玩意】風生水起流年運程占卜機及「豬」事吉祥長輩圖

【etnet Bonus賞你】北角匯「手作花藝音樂盒」

【得獎名單】【etnet Bonus賞你】K11限量版「桃蘭竹菊」藝術利是封