傳聞

12/07/2019 11:58

《魚缸博客》恒地(12)新界土儲冠全城,現價買入博上山頂位!

  《魚缸博客》隨晚花旗嗰邊嘅道指標指都創收市新高,其中道指更加首度企穩二萬七關,自
鮑叔叔(鮑威爾)「開金口」再放鴿之後,今個月大家憧憬減息嘅熱情又再之升溫,其中減息四
分一厘嘅機會率由噚日逾75巴仙升至超過82巴仙、減半厘嘅機會就由24巴仙落返
近18巴仙,但減息機會仲係一百巴仙!睇嚟今個月減息勢在必行?
  講到減息啦喎,咁一眾本地磚頭佬自然興高采烈啦!之前博客都斷斷續續推過幾個本地磚頭
佬,好似收租業務出色嘅新地(00016)咁。今日博客就講吓另一隻本地磚頭佬--恆地(
00012)啦!講恆地就離唔開講佢嘅農地儲備,睇返截至上年12月底全年盤數,佢
年內就再增添約70萬平方呎新界土地,累積持有新界土儲已經擴展至約4560萬平方呎,係
全香江揸得最多新界地嘅發展商!
  博客最近睇電視又見到一年一度《施政報告》,誠邀市民發表意見嘅廣告啦,而每年嘅焦點
當然都係房屋供應啦!除咗大嶼山計劃之外,另一個焦點係公私營合作會唔會成事,博客記得上
年「孖屐」都試過炒呢個消息,而以依加政府「跛腳」嘅狀態,又講緊嚟緊會聚焦經濟,今年或
者會有風聲傳出?到時呢啲土儲嘅價值就有望大大釋放啦!
  博客都知恆地旗下嘅煤氣(00003)係好多缸友嘅愛股,除咗因為佢股價持續上,仲因
為佢年年十送一紅股嘅傳統。其實講十送一恆地都係嫁,睇返佢連續七年送紅股,講股息仲有
3﹒77厘,較煤氣1﹒79厘多,因為紅股而買煤氣嘅缸友,不妨考慮吓恆地啊。
  睇返公仔圖,恆地暫時喺40銀就見到有支持,而由上個月中開始就築起一條小型上升軌,
幾條主要平均線開始聚合,係靜待突破嘅訊號,想短炒嘅缸友可以考慮喺現價買入,上望四月中
山頂位(45﹒227銀),而想作中長線部署嘅缸友就最好等埋今個月減息係咪成事先好出手
,如果之後落返40銀樓下呢啲位,就可以分注吸納做中長線部署。 

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱

【etnet Bonus賞你】Luke Sir曾智華新書《有盈退休》