傳聞

10/10/2019 15:58

《笑傲缸湖》IG玩新意推AR試妝,姊妹們唔駛驚買唔啱!

  《笑傲缸湖》相信有唔少貪靚嘅姊妹同盈盈一樣都好中意買化妝品,但係有時候又真係無咁
多時間去睇。因為化妝品唔同買衫買鞋,上網買咗唔啱都可以係指定時間內退換,化妝品一般拆
開就無得退換了。諗下都幾麻煩嘎。最近,IG(Instagram)就同AR技術平台
「Spark AR Studio」出咗個可以畀各位姊妹試妝同購買嘅功能,咁姐係以後再
唔洗出門買化妝品啦?
  AR技術喺依幾年發展得好快,但一路都只係將佢用喺遊戲上面。但係今次
Facebook就話佢要行條唔一樣嘅路,早喺五月份個陣就發布
「Spark AR Studio」將會用嚟做廣告宣傳。而IG就首先做依隻白老鼠,為
MAC和NARS等品牌推出AR試用工具。想入貨嘅姊妹可以用IG嘅AR濾鏡預覽效果,同
時都可以直接柯打,真係認真方便啊。
  點樣操作?就攞唇膏為例啦,首先喺IG打開相關品牌試妝嘅AR濾鏡,然後揀你想試色嘅
唇膏,就可以即時喺屏幕見到效果,仲可以Share埋畀D朋友睇。覺得好心動想買,都唔洗
急嘎,直接點擊上面嘅購買鍵就買到啦。
  不過,原本「Spark AR Studio」一開始只係提供濾鏡一樣嘅AR特效,畀
IG用戶作娛樂,但係自從Facebook打開咗依個平台之後,就越嚟越多用家上傳自製嘅
濾鏡,宜家仲攞埋嚟做廣告,畀用戶即時睇到試驗產品嘅效果。盈盈只可以話IG嘅商業頭腦真
係犀利,但係各位購物狂就要打起精神,唔好一下子手滑就柯打了。《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱