傳聞

03/12/2019 15:58

《笑傲缸湖》眼淚唔只係反映情緒狀態,仲知道你有無糖尿病?

  《笑傲缸湖》「如果連自尊都已經不再需要,這個世界什麼愛你買不到」寶島歌手溫嵐一首
《眼淚知道》唱到街知巷聞,盈盈突然咁好唱口唔係因為啲咩,係因為發現眼淚除咗可以知道你
嘅快樂與傷心之外,而家仲知道好多人類身體好多疾病,其中包括糖尿病!
  嚟自巴西同花旗國嘅科學家共同研發,佢地將一個微裝置放喺眼鏡框上面,然後可以透過眼
睛嘅淚水亮度,從而搵出戴眼鏡嘅人血糖水平,唔使糖尿病人成日都要「督手指」,無痛之餘又
避免細菌感染。
  其實呢塊晶片原理好簡單,佢有個感應器,去偵測淚水入面嘅葡萄糖氧化酶含量,就可以計
算到血糖水平,仲可以計埋你夠唔夠維他命,甚至查你身體酒精濃度都無問題!研究人員重話,
最快可以3年內推出,可以幫到全球3﹒8億個糖尿病病人。
  雖然而家偵測疾病效率同準確度越來越快,但盈盈依然記得,幾年前花旗國有間
Theranos嘅生物科技,聲稱用一滴血,4個鐘內就可以完成240項醫療檢查,連醫學
界都神奇,當年多個財團都爭住投資,加上創辦人霍爾姆斯又後生又靚女,變成大家心目中嘅女
神:點知被《華爾街日報》踢報,原來佢啲機器係流野,之後被人告欺詐罪。
  盈盈都係女人,明白而家個社會,個個都想爭住做女強人,因為要CAP水好容易,所以做
醫療產品嘅都要用個良心做事先得,唔應該以賺錢為首要「他屐」啊嘛!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet社創SolN】有種‧成長之和「孩」共處同樂日 – 立即報名

【etnet Bonus賞你】皇室堡My Little Pony精品一套

【etnet Bonus賞你】The East x香港電車聖誕禮物包