傳聞

14/02/2020 15:45

《笑傲缸湖》寂寞生意佬徵女友,做媒人婆仲有2﹒5萬美金落袋

  《笑傲缸湖》又到咗一年一度西洋情人節,一街都係閃光彈,真係閃到人都盲。各位單身狗
想避免眼冤,最好就好似盈盈咁,響應政府號召乖乖地屈埋喺屋企預防武漢肺炎啦。不過都仲有
好多積極嘅單身狗,用各式各樣方法去尋找愛情,除咗交友軟體,有人就諗到用「懸紅」嘅方式
嚟搵佢下一位女朋友啦。只要成功介紹女朋友俾佢,媒人婆就可以拎到2﹒5萬美金,啫係差唔
多19﹒4萬港紙嘅獎金啦,係咪好吸引先!呢位咁有諗頭嘅仁兄,就喺花旗國堪薩斯城嘅
Jeff Gebhart,佢今年47歲,係一名生意佬,無細路亦都未結過婚。
  為咗脫單,佢仲特登開咗個叫DateJeffG﹒com網站,方便大家填表做媒人婆。
講到對女朋友嘅要求,Jeff就話想搵到一個有趣,同佢有共同興趣、對生活充滿熱情而又容
易相處嘅人。Jeff話,寧願將錢投俾有興趣幫佢嘅人,都唔想「掉」去出面啲徵友、交友同
聯誼網站喎。佢仲話,如果真係俾佢得咗,仲會加碼捐2﹒5萬美金俾動物收容所。睇到呢度,
姊妹們有無心動呢,係就去馬啦,不過注意返,自薦係無錢收㗎!
  有人喺情人節搞盡腦汁只求脫單,亦都有唔少人俾武漢肺炎搞到無心情過節,只係想藉著呢
個機會,向喺前線奮戰嘅醫護人員講聲多謝,感謝佢哋嘅辛勞!講緊嘅就係新加坡嘅寫信活動啦
。原來喺新加坡已經有50人確診咗新型肺炎,而當地唔少人都對2003年嘅沙士記憶猶新,
所以如果喺電梯或者電車度見人著住醫療制服,就會反射性咁彈開。因為呢啲潛在嘅歧視,有人
就發起運動,想用#braveheartsg標籤嚟鼓勵醫護人員,意思即係,除咗醫護人員
,人人都需要有勇敢嘅心。到依家,已經有800幾篇文章post咗出嚟啦。有參加者話,而
家有太多謠言、恐懼同誤解導致醫護人員被歧視,但如果我哋一齊努力,就可以共同克服呢個艱
難時期啦。
  盈盈覺得,面對恐懼,逃避係永遠解決唔到問題嘅,只有勇敢地面對,正視佢先可以克服恐
懼。喺呢個非常時期,無論喺個人生活中,定係成個社會,我哋都需要互相照顧,併肩同行先可
以捱過抗疫嘅日子。心態決定一切!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet新春賞你】皇室堡 x Pete and Gulu「乾淨『企』理衣物籃」乙個

【etnet社創SolN】有種‧成長之和「孩」共處同樂日 – 立即報名

【etnet新春賞你】LEE GARDENS利園區「迎春接福利是封」一套