傳聞

26/03/2020 11:58

《魚缸博客》睇好金價繼續飆?SPDR金ETF要吼實!

  《魚缸博客》花旗國大玩無限QE、各國政府放水救市,通脹預期升溫,雖然油價因為俄國
同油組領袖沙特阿拉大打減價戰而壓到好低,不過油價對於供應鏈同整體物價嘅影響始終有一定
滯後,所以孖屐有唔少資金流入由被認為可以抗通脹嘅金市,金價前日已經破咗1600美金,
認真犀利!
  如果缸友對同金相關嘅投資產品有興趣,唔想經銀號買紙金,又覺得揸實金蝕手工費,可以
望下SPDR金ETF(02840),佢嘅走勢多數反映倫敦金銀市場協會(LBMA)金價
,因為資產淨值係參考LBMA每日下午黃金價格定值。而運作方式是持有金錠,不時以每手1
0萬股方式發行股份嚟換返黃金,亦會就贖回股份而分派黃金。隻ETF提供嘅資料話,喺
2018同2019年,佢嘅表現同LBMA報嘅金價差距得0﹒5個百分點左右。不過缸友要
留意返,隻ETF係唔會派息,即係如果要有錢落袋,淨係可以透過直接買賣佢嘅股份。
  當然,孖屐仲有唔少金礦股值得留意,比較突出嘅有紫金(02899)、招金
(01818)同山東黃金(01787),據紫金同招金嘅上年業績,佢哋嘅黃金業務銷售收
入分別佔營業收入近58巴仙同逾87巴仙。至於山東黃金睇中期業績,黃金係佔逾99巴仙,
集團聽日(27日)就出全年成績表,缸友不妨留意下。不過,上述三隻佬未必會跟金價跟得咁
貼,因為佢哋收益有一部分來自銷售其他礦物,例如銅、鋅同銀等,仲有管理層因素都要考慮埋
。況且依家講緊全球經濟走下波,供應同需求齊齊減少,呢啲礦物嘅需求真係唔敢諗。
  總括而言,如果覺得金價嚟緊會大漲,可以考慮下入手SPDR金ETF同山東黃金啦!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
  • 生活副刊
  • DIVA
  • 健康好人生
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【Keep住更新】口罩供應 - EG 驅蚊帶發售口罩