傳聞

26/03/2020 15:58

《笑傲缸湖》卡塔爾航空:眾人皆減我獨加,做最與眾不同的我

  《笑傲缸湖》新冠肺炎疫情繼續喺全球範圍肆虐,為咗最大限度減低傳播風險,各個國家都
實行自我封閉式嘅防疫方法,除咗禁止境外人進入之外,都不建議國民外出。一眾鐵鳥可以話進
入咗嚴冬期,無計啦,由於客量大幅減少,大多數鐵鳥都無奈地cut航班,減少開資成本,以
渡過咁次嘅困境。不過,同一眾鐵鳥唔同,卡塔爾航空選擇做最與眾不同嘅一個,雖然話會有削
減計劃,但佢又靜雞雞咁增加咗1萬個額外座位!咁又係為咗乜呢?
  卡塔爾航空同其他鐵鳥唔同,喺目前為止佢仲可以飛往全球75個目的地,包括花旗國。而
且佢喺現階段仲增加咗從多哈飛巴黎、珀斯、都柏林等地嘅?外航班,仲用埋現時載客量最大嘅
機型A380,呢排從花旗國、亞洲到歐洲嘅包機服務都有增加。
  喺宜家個個自封嘅環境下,可能好多人都奇怪,點解個個都停飛唯獨佢仲可以飛,難道卡塔
爾航空仲有咩特權。之所以可以咁做,係因為多哈作為卡塔爾嘅交通樞紐仍然對過境旅客開放,
而好似本地競爭對手阿聯酋航空已經關閉樞紐機場。不過,卡塔爾航空都話,如果其他國家之後
用更嚴格嘅限制,依個情況唔可以持續好耐。
  除咗樞紐機場無畀關閉嘅硬件因素,卡塔爾航空仲話,覺得自己依家嘅使命就係令陷入困境
嘅乘客可以同親人團聚。據公司數據,飛往米字國、法國同德國嘅航班大約售出了80巴仙座位
,但出境航班僅佔36巴仙,近七日內就接送咗約十萬位旅客翻屋企。見到咁有社會責任嘅企業
,真係抵畀個LIKE佢,卡塔爾航空加油啊!《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
  • 生活副刊
  • DIVA
  • 健康好人生
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【Keep住更新】口罩供應 - EG 驅蚊帶發售口罩