傳聞

31/07/2020 11:45

《魚缸博客》啤酒市場進入旺季,百威(01876)有望追落後!

  《魚缸博客》進入夏季又到咗啤酒「孖屐」嘅旺季,雖然今年全球好多國家仲受到新冠疫情
嘅影響,不過博客就發現,神州啤酒佬兩大龍頭潤啤(00291)同清啤(00168)嘅近
期表現都係唔錯,兩條魚毛都創咗上市新高。但係睇返喺神州「孖屐」市佔率排第三嘅百威亞太
(01876)走勢就偏落後,博客覺得佢有機會追落後,打算中短線部署嘅缸友不妨可以吼下

  今日,百威就出咗中期成績單,雖然整體數字表現一般,但「孖屐」仍然睇好佢嘅前景。百
威中期純利1﹒85億美金,按年跌近七成;收入都跌咗兩成三至25﹒75億美金。不過,單
計第二季,神州收入跌幅已收窄至約半巴仙,銷量亦有大幅改善,由4月下跌一成七,到6月創
埋單月銷量最高紀錄。公司就話,受惠強勁銷量復蘇帶動同成本控制,上季正常化EBITDA
率已重回去年全年相若水平。
  瑞信就喺績後話,百威喺神州業務有改善,令業績上有驚喜,其中EBITDA更勝「孖屐
」預期。另外,佢通過有效控制成本,擴大本地生產,喺超高端品牌維持有雙位數增長,南韓第
二季嘅市佔率都有上升。認為隨著目前庫存水平健康,加上夜場渠道陸續復甦,百威亞太增長動
力會持續。
  此外,集團聯席主席喺業績會上面就話,會繼續留意亞洲地區的併購機會,以拓展不同「孖
屐」。而且目前百威喺神州佔有率為16巴仙、南韓25巴仙,其他先進國家為40巴仙,所以
亞太市佔率仍有好大嘅發展空間。
  睇返公仔圖,百威亞太喺業績憧憬下,噚日裂口高開,今日都繼續延續升勢,創埋近八個月
高。神州方面,政治局定調國內「內循環」,再加埋季節因素,博客料百威亞太炒風可續。不過
因為佢近排升勢過急,預計會有一定回調,建議可在26銀附近吸納,初步目標睇佢之前創嘅最
高位32銀。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet Bonus賞你】上水廣場 x Rody 手提電風扇+兩用Tote bag

新增「恒生科技指數」成份股

【etnet一App通天下】獨家「銀行匯率比較」功能 匯市靚價一眼通 一按直達交易商