傳聞

31/07/2020 15:45

《笑傲缸湖》股神巴菲特搞作多多,仲有機會做拯救三文魚嘅英雄!

  《笑傲缸湖》股神巴菲特近排終於入返市,旗下巴郡最新增持咗2120萬股美國銀行,依
家已經揸著美銀10﹒2億股股份,佔11﹒8巴仙股權。嗱,依家花旗國聯儲局咁想維持低息
環境,佢再買銀號嘅決定啱唔啱,真係唔係盈盈嘅level可以評價。雖然,佢冇辦法控制股
市嘅升跌,但就可以選擇加快拆除喺俄勒岡州同加州邊界沿河上嘅四個水力發電大壩,拯救無數
條三文魚嘅生命呀。
  件事係咁嘅,呢啲大壩由公用事業公司PacificCorp擁有,呢間公司巴郡都有份
投資。至於四個要拆除嘅水壩因為缺少魚梯,三文魚去唔到上游產卵區,搞到瀕臨滅絕,仲威脅
到附近原始部落嘅文化同生存空間。
  但PacificCorp一直唔想拆,因為造工實在太貴。而一個非牟利組織克拉馬斯河
復興公司突然出現,將呢個項目由PacifiCorp手中搶走,目的就係拆咗大壩。於是P
acifiCorp就想好順利成章咁將大壩嘅聯邦水力發電許可證轉讓畀間非營利公司。
  不過,聯邦能源管理委員會居然Say No,話批准許可證轉讓前提係兩間公司係共同許
可證持有人,擔心克拉馬斯河復興公司資金有限,而且冇喺水力發電大壩運營或者拆除大壩方面
嘅經驗呀。
  咁即係如果要落實拆除,PacifiCorp無可避免都要分攤一部分成本,結果又係唔
知搞唔搞得成。於是加州州長就決定直接寫封信畀巴菲特,叫佢盡快搞掂件事啦!
  依家巴菲特就未有回應,在情嚟講冇三文魚食,同打擾到原始部落確實唔係咁好。不過由商
業角度睇,盈盈可能會由佢擺住喺度先。又或者向能源管理委員會抗議吓,睇下仲有冇搵到平衡
方案。《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【etnet Bonus賞你】上水廣場 x Rody 手提電風扇+兩用Tote bag

新增「恒生科技指數」成份股

【etnet一App通天下】獨家「銀行匯率比較」功能 匯市靚價一眼通 一按直達交易商