傳聞

17/09/2020 11:58

《魚缸博客》抽iBond保本又安全,仲預期跑贏銀號定存息率

  《魚缸博客》花旗國聯儲局維持利率不變已經預咗,不過會後公布嘅利率點陣圖顯示,政策
委員預期會維持近零利率政策去到2023年,最慘嘅一定係銀號,息差都唔知會收窄到咩地步
,而「紅簿仔息」及定存息率應該持續向下。
  食息一族玩開定存,應該留意到今年年頭香江大部分銀號三個月定存息率都企喺一厘樓上,
不過隨住全球政府係咁放水,依加無呢支歌仔唱。以香江三大銀號匯豐、恆生(00011)同
中銀(02388)最基本嘅戶口,較短線嘅新資金定存息率為例,港紙一萬銀樓上,恆生四個
月做緊年利率0﹒55巴仙,中銀同匯豐三個月做緊0﹒3巴仙。假如入10萬銀擺半年,0﹒
3厘嘅息口係得150銀,真係搭車都唔夠使。
  最新傳出港府將再推通脹掛鈎債券(iBond),最快下周舉行記招,於9月29日起公
開發售,保證回報1厘,每手一萬銀,年期三年,同以往一樣係半年派息一次,同樣以10萬銀
為例,半年利息坐底有500銀,再加埋息率其實係同本地通脹率掛鈎,喺預期孖屐資金充裕,
隨疫情過去本地通脹率回升嘅情況下,到時帳面上有機會再多少少。
  不過,有消息話金管局唔排除研究調整固定息率水平等各方面,但會平衡中長期通脹走勢,
同埋零息環境下合理投資回報等因素,所以保證回報率有機會同傳聞不符。博客嘅睇法係有得跑
贏定存息率已經好好,而銀債嘅息率一般會多過iBond,所以夠65年歲嘅,抽銀債會爽好
多。
  好多報道同缸友講,iBond風險好低,其實背後嘅原理係同其他國家嘅國債一樣,賭緊
呢個國家嘅政府會唔會賴債,香江政府信用評級仍然好高,還唔到本畀唔到息嘅機會率實在太低

  另一方面,有樣嘢要提提大家,香江政府以往都會將iBond上市,但係香江債券二手孖
屐交投一向唔係太活躍,再加埋交易行緊T+2制度,缸友買咗iBond後想套現,有機會要
等三至四日錢先到手,所以有興趣入手嘅,最好都係用啲好閒嘅錢先好入。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【格盡匯價】英鎊急跌,利買樓置業?即用etnet App格盡各大銀行匯價,仲可預設提示捉實靚價!

【全新功能】善用etnet App精明外匯買賣三招 投資旅行升學話咁易!

【立即下載】etnet App 連環賞 玩遊戲贏走總值70萬元獎賞!

<>