傳聞

20/11/2020 15:58

《笑傲缸湖》花旗有工廠管理層,居然開盤賭有幾多員工中新冠?

  《笑傲缸湖》早喺今年三月,新冠肺炎疫情席卷全球,花旗國有唔少工廠都中咗招,包括當
地肉類加工及包裝行業,有幾千名工人受到感染,搞到泰森食品同等公司,要暫時關閉爆發疫情
嘅屠宰場及加工廠。
  不過泰森食品位於愛荷華州嘅一座大型豬肉加工廠,原來一直無停工,自新冠肺炎疫情爆發
以來,累計已經有超過1000個員工中招,人數佔到全廠員工三分之一以上,更加有5名感染
者喺被強逼繼續返工後死亡。
  其中4名死亡工人家屬喺今年8月聯合向工廠提出訴訟,根據當時美聯社報道,家屬狀告工
廠為咗資本利益而忽視疫情風險,工人喺無配戴口罩或者面罩嘅情況下開工。工廠甚至為咗掩蓋
疫情真相,容許已經出現病症嘅工人繼續喺廠內工作,聲稱新冠肺炎只係流感,話表示每個人都
會感染,仲阻止工人去做新冠病毒檢測,命令佢哋繼續上班。家屬話工廠完全係漠視工人嘅身體
健康,無盡到保護工人健康安全嘅義務。
  不過,當時泰森公司就解釋,公司係應侵侵嘅要求先繼續開工,又話工廠嚴格執行防疫措施
,並唔存在忽視工人健康安全嘅問題喎。
  最近泰森又被媒體踢爆,工廠經理哈特(Tom Hart)居然喺內部下注,賭有多少工
人會感染新冠肺炎!今次泰森回應得好快,發言人話,仲要再了解一下發生咩事,不過如果證據
確鑿,佢哋將會採取一切必要措施,根除呢種令人不安嘅行為。連花旗最大肉類包裝工會聯合食
品和商業工人國際聯合會主席佩羅納都話,主管強迫患病工人繼續工作,並且下注賭博嘅報道令
人震驚。
  唔經唔覺,新冠肺炎疫情已經「陪伴」我哋差唔多成個2020年,相信大家都慣咗日日戴
口罩,對第N波疫情可能仲有啲麻林,盈盈就覺得,點都唔應該攞人命嚟開玩笑,亦都都希望大
家繼續提高警覺,等疫情可以盡快結束。《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新直播節目《hot talk 1點鐘》強勁嘉賓陣容 擴視野 添智慧 玩埋「睇住賞」 贏熱爆獎品 ► 即睇

人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【hot talk 1點鐘 睇住賞】賞香港冬日美食節入場贈券

【etnet Bonus】賞《一秒拳王》優先場門票

【訂閱有賞】現凡訂閱etnet YouTube Channel 即可獲得etnet精美筆記本及年曆卡乙套

<>