傳聞

23/02/2021 15:58

《笑傲缸湖》標叔叔唔撐比特幣,原來關環保事?

  《笑傲缸湖》比特幣價格喺過去一年一飛沖天,總市值於上星期五19號首度突破1兆美金
呢個關卡,表現咁好,自然得到大批fans追捧,不過標叔叔(比爾蓋茨Bill Gate
s)就唔太鍾意啦,仲覺得比特幣好唔環保。
  標叔叔星期一接受訪問時就話自己唔係比特幣fans,因為開採比特幣會消耗大量能源,
對環境造成影響。
  大家都知,比特幣係「挖」出嚟,呢個過程涉及到龐大嘅電腦運算同認證交易,因此需要消
耗巨量能源。作為一個沒有實體嘅虛擬產物,比特幣挖出嚟之後,仲需要大量電力維持運轉。根
據劍橋大學一項研究計算顯示,支持比特幣運作機器一年所需嘅電量,超過荷蘭、呢個擁有17
00萬人口嘅全國用電量!
  雖然同汽車以及工業相比,比特幣對環境嘅破壞只是九牛一毛,但對生態問題嘅擔憂都促使
唔少比特幣礦工將據點從煤炭發電嘅地區,轉移到水電費比較便宜嘅地方。而比特幣fans認
為,考慮到比特幣創造出一個完整且唔受政府干涉嘅新金融體系,呢個用電量仍然係可以接受嘅
,畢竟淘金同印銀紙都唔需耗費大量資源去製造、運輸同保安系統。而且金融系統維持電子平台
同辦公室運作都需要大量能源。
  聽落又有啲道理,不過點講都好,人類大部分活動都會對環保造成唔同程度嘅破壞,標叔叔
就話決定同亞馬遜CEO貝索斯(Jeff Bezos)合作,以共同應對氣候變化危機。咁
普通人可以點做?盈盈覺得,即使你同我嘅力量有限,都可以為環保出一分力,因為「勿以善小
而不為,勿以惡小而為之」。《任盈盈》

  《編者按》本欄搜羅即市傳聞,惟消息未經證實,《經濟通》亦不保證內容之準確性。

【先到先得】訂閱etnet YouTube Channel,即可獲贈咖啡禮券!► 立即行動

放大顯示
人氣文章
財經新聞
評論
專題
  • 生活副刊
  • DIVA
  • 健康好人生
產品簡介

【訂閱有賞】現凡訂閱etnet YouTube Channel 即可獲得Pacific Coffee咖啡禮券

《經濟通》獲港交所頒發「2020全市場傑出貢獻資訊供應商」大獎

【得獎名單】【hot talk 1點鐘 睇住賞】賞PAUL LAFAYET金牛迎春禮盒2021

<>