傳聞

14/05/2021 11:49

《魚缸博客》阿里上市首虧績後急回,基本面穩健估值吸引可買

  阿里巴巴(09988)公布第四財季業績,受累反壟斷法罰款182﹒28億人仔,阿里錄得淨虧損約54﹒79億人仔,掛牌以嚟首次錄得季度虧損。收入就按年升六成四至1873﹒95億人仔,唔計合併高鑫零售(06808)嘅影響,收入增長四成至1599﹒52億人仔,整體收入高市場預期4巴仙。全年純利1503億人仔,按年升1巴仙。  
  阿里管理層預計2022財年收入將會超過9300億人仔,而新財年計劃將新增利潤投入新業務以提高市場規模。
  整體而言,阿里成績冇咩驚喜,但孖屐似乎將重點放哂喺報告入面提到嘅「反壟斷」字眼,今朝股價再借勢回調,捱沽之下仍企得穩於200銀之上,有眾多買盤支持。
  博客認為,孖屐對阿里傳出壞消息已習以為常,螞蟻擱置上市同監管風險令佢股價由歷史高位309﹒4銀不斷回落,呢排通脹殺到更令缸友對科網佬避之則吉,雖然未知板塊幾時觸底反彈,但阿里已由高位回調逾三成,下行空間有限。如果想做中長線投資,現時入手係唔錯時機。
  另外,阿里加大新業務投資的確會影響短期盈利增長,但中長線而言有助擴闊市場規模。大摩仍認為投資屬樂觀,為實現全球年度活躍用戶達20億人的長期目標鋪路,亦指佢目前估值具吸引力,維持增持評級。
  阿里今日面對巨量沽壓仍穩守200銀以上,相信附近水平支持強勁,可現價吸納博反彈,短期上望4月高位240銀,下一步睇270銀,招股價以上180銀止蝕。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

全新節目《說說心理話》原生家庭對成長有咩影響?改善溝通有計可施?► 即睇

放大顯示
政經專訪
人氣文章
財經新聞
評論
專題
  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力