RSS訂閱 呢期比特幣就無運行有個大調整，因為Ｔｅｓｌａ創辦人Ｅｌｏｎ Ｍｕｓｋ（馬斯克）香江時間周四（１３日）在社交平台「反口」，話Ｔｅｓｌａ會暫停接受比特幣購買產品，因為擔心比特幣挖礦同交易活動，會令化石燃料使用量迅速增加，消息觸發比特幣價格一度跌至４６０００美元水平。現時比特幣暫時企穩５００００美元水平。
不過有公司就「別人恐懼我貪婪」。全球持有比特幣最多嘅上市公司ＭｉｃｒｏＳｔｒａｔｅｇｙ在一份監管檔中披露，最近又用１５００萬美元購買了２７１枚比特幣，平均價格為５５３８７美元。
ＭｉｃｒｏＳｔｒａｔｅｇｙ係首批將比特幣納入資產負債表嘅上市公司之一。公司ＣＥＯ Ｍｉｃｈａｅｌ Ｓａｙｌｏｒ就話，加倉後公司持有嘅比特幣總數達到９１８５０枚。
該公司嘅比特幣持倉總成本為２２﹒４億美元，平均價格為２４４０３美元。雖然最近兩日比特幣價格大跌，但該公司嘅比特幣資產按目前價格計算仍超過４５億美元。
盈盈就認為，比特幣咁炒起必然有佢自身好處同價值，不過比特幣目前依然屬於較高風險投資，將比特幣納入資產負債表，公司業績好容易受比特幣價格波動影響。另外，盈盈希望管理層唔好忽略主業嘅發展，對自身公司甚至股東本身都無好處啦！所以，盈盈自己就唔會投資呢類公司，只會買業績持續增長嘅公司就最穩陣喇！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
