RSS訂閱 虛擬愛情，究竟係咩嚟呢？喺你同我都諗緊係咩嚟嘅時候，喺波蘭就已經有個靚女ＫＯＬ用２５萬美金，以ＮＦＴ方式成功賣出咗自己嘅虛擬愛情！係全球第一個喺ＮＦＴ賣虛擬愛情嘅人。如果真係咁好賣，盈盈都想自己整嚟賣吓。
波蘭ＫＯＬＭａｒｔａ Ｒｅｎｔｅｌ早排就喺ＩＧ宣佈，話自己已經用「驚人價格」賣出咗自己第一個ＮＦＴ，連佢自己都唔敢相信可以賣到咁高價。佢話買家身份係匿名，連佢都未知係邊個。
咁究竟買咗佢嘅「虛擬愛情」係包啲咩呢？據講就係包括佢所有虛擬愛情嘅權利同埋佢嘅情感。不過咁都唔等於「包起」咗佢，因為ＮＦＴ有趣在就算係交易咗，賣家都仍然擁有嗰件資產嘅版權。嘩，咁講都係好玄喎，所以Ｍａｒｔａ自己都話，佢唔可以好ｅｘａｃｔｌｙ解釋究竟係咩嚟，呢一刻唔明嘅人將來就會明白。
或者講吓ＮＦＴ係咩啦，其實就係ｎｏｎ－ｆｕｎｇｉｂｌｅ ｔｏｋｅｎ，通常譯做「非同質化代幣」，簡單嚟講即係用虛擬貨幣交易數位資產，可以係一張ｍｅｍｅｓ相或者一條ｔｗｉｔｔｅｒ都可以。雖然網絡世界撳個ｃｏｐｙ制係好容易，但係ＮＦＴ就係用咗區塊鏈技術嘅加密性嚟保障買家係一份數位資產嘅唯一擁有人，係唯一真跡嘅唯一擁有人，其他ｃｏｐｙ嘅都係Ａ貨。所以，買咗Ｍａｒｔａ嘅虛擬愛情，就等於買咗唯一可以同佢談情說愛嘅權利，但又唔等於包起咗佢。
不過Ｍａｒｔａ就話，佢已經約咗個神秘買家撐枱腳喇，唔知呢份呢份買返嚟嘅虛擬愛情，有無機會開花結果呢？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
