笑傲江湖

30/12/2011 10:14

《笑傲缸湖》中海外(688)孔慶平充份體現「怕老婆會發達」?

  《笑傲缸湖》俗語有云:「怕老婆會發達」,的而且確又真係有唔少有錢人都係對老婆言聽
計從,未必講得上係怕,但如果話係尊重太太相信就無乜人異議。「怕老婆俱樂部」最近可能要
多添一名會員,就係中海外(00688)主席孔慶平。
  話說根據聯交所最新嘅權益變動披露,見到孔慶平上星期連續三日減持套現4800萬銀之
多。藍籌公司主席減持,當然係「大單料」,不過好快缸湖就有傳聞,話孔慶平透露,減持股份
唔到佢話事,決定權操控喺孔夫人手中,而套現所得,主要係想喺北京或者上海置業。
  單料堅唔堅就真係唔知,不過有缸湖人就話成件事就有「兩個趣」。第一趣係,作為中海外
嘅「揸弗人」,減持股份嘅操控權竟然喺太太掌握之中,除非股份係太太畀錢買,否則都幾難想
像;第二個趣就係,藍籌公司主席個袋入面嘅資產,理應少極有個譜,如果真係要賣股先有
Cash買樓,唔通層樓係「天價豪宅」?《任盈盈》

  《編者按》本欄搜羅即市傳聞,惟消息未經証實,《經濟通》亦不保證內容之準確性。

產品簡介

[be DIVA‧be Me] DIVA 品味派 留言顯品味

etnet全新A股頻道 A股、港股路路暢通

參加《DIVA 品味派》非凡體驗大賞 贏$20,000非凡之旅