RSS訂閱 《笑傲缸湖》雖然近期魚缸暖番啲，但「新丁孖屐」仍未見好過，好似噚日（２２日）首掛
嘅兩位「新丁」表現都幾難睇，就好似超購４２９倍嘅碧瑤（０１３９７），而家僅僅喺「招親
價」上低飛，北車（０６１９９）仲潛緊水。
「新丁孖屐」咁弱，但都有股仔「夤夜趕科場」嘅，啱啱就傳出神州租車，計劃南下嚟香江
「招親」。神州租車背景絕唔野小，據資料顯示，佢係祖國最大嘅砵砵車租賃公司，規模大到夾
埋行內第二至第十名嘅行家，都唔係佢嘅對手。喺２０１２年，佢曾計劃喺花旗上巿，創祖國行
家嘅先河，但無奈計劃最終胎死腹中而已。
點解呢位「新丁」無啦啦引起我注意？咪就係因為球場上嘅「萬人迷」大衞碧咸囉！事關碧
咸無踢波後，就同神州租車做ｐａｒｔｎｅｒ，所以喺公司網頁亦見到佢個樣，大大個生招牌。
Ｂｙ ｔｈｅ ｗａｙ，盈盈同碧咸其實都係５月２號生日架，若神州租車真係嚟香江「招
親」，如果有機會見萬人迷一面咁就好啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
