《笑傲缸湖》政治嘅嘢無情講,古有李世民殺兄殺弟然後登基即位,最近金正恩同父異母嘅
哥哥金正男,喺前日(13日)突然喺馬來西亞吉隆坡國際機場身亡,自然引起唔少猜測啦!有
報道就揣測,金正男係被兩名身份不明嘅女特務以毒針殺死。
不過今日東瀛電視台就報道,話有消息指,呢兩名女特務喺吉隆坡機場挾持金正男,毒殺完
佢之後,就坐的士離開,但相信呢兩位特務已被滅口。又有馬來西亞報紙話,當地警方已經緊急
逮捕接載兩名特務嘅的士司機。總知就謠言滿天飛!
噚晚喺twitter度,都有一個自稱為北韓官方傳媒嘅帳戶就發帖文,指金正男唔係死
於刺殺,而係由於唔乾淨嘅馬來西亞食物,令到金正男消化不良,先不幸喪生,所以責任在於馬
來西亞人。不過眼利嘅網民好快就揭穿呢單係假新聞,當然得啖笑!
其實北韓一向咁神秘,恐怕想知道事件真相,就只有幕後主腦先知了。《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
全新節目《說說心理話》青少年不可以戀愛!?真實個案講述驚心動魄經歷► 即睇