RSS訂閱 《笑傲缸湖》谷歌作為全球科技巨企，唔少專材都慕名而往，希望求得一工半職，而最近去
求職嘅一位應徵者，竟然只得７歲咋！
探子搵來呢位應徵者嘅求職信，原來佢本人只係一名７歲嘅萌爆小妹妹，名叫Ｃｈｌｏｅ，
住喺米字國赫里福德。信入面提到佢對谷歌有興趣嘅原因，係因為除咗佢本身鍾意電腦之外，亦
都因為佢爸爸話佢知，喺谷歌入面可以隨便玩滑梯坐下豆袋！
呢封咁真摰嘅親筆信，就緊係得到谷歌嘅老闆留意啦。谷歌嘅總裁Ｓｕｎｄａｒ
Ｐｉｃｈａｉ更加回信以示鼓勵，話希望佢繼續努力學習科技知識，然後第日再見多次工咁話！
與其參加無數嘅學前訓練班，香江怪獸家長不如學下呢招，叫個Ｃｈｌｏｅ寫信去畀大企業
老細，一定可以留下一個好印象，呢Ｄ先係真正贏在起跑線嘛！
就等盈盈為大家整理呢位小妹妹嘅谷歌求職資料：
－－－－－－－－－－－－－－－－－－－－－－－－－－－－－－－
姓名 Ｃｈｌｏｅ Ｂｒｉｄｇｅｗａｔｅｒ
歲數 ７
未來目標 參加奧運游泳項目、於朱古力工廠上班
專長 串字、閱讀及算術
家庭成員 爸爸、媽媽、５歲妹妹
與趣 周二及周六會游泳，而且有一部平板電腦用作打機
－－－－－－－－－－－－－－－－－－－－－－－－－－－－－－－
《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
