RSS訂閱 《笑傲缸湖》好多時候，遇到有啲人言行比較出位，人們都會將呢啲人歸為「唔正常」。花
旗國總統侵侵（特朗普）成日都有驚人舉止，大家又會唔會覺得佢唔正常？
花旗國有３５名精神病專家，喺《紐約時報》度發表一封公開信度警告，話侵侵「情緒極度
不穩」，完全表現晒喺佢講嘢同行為當中，又話侵侵「唔可以安全地履行總統職責」。
有人可能覺得，作為精神病專家，點可以公開話某某人有精神病？無錯，的確係有一條叫做
「戈德華特守則」嘅規則，限制精神病醫生，只可以親身診斷過後先有權作出結論。但呢班專家
寧願打破守則，都要出嚟指控，睇嚟侵侵真係「好難頂」。
有人認為侵侵患上自戀型人格障礙，一般症狀係沾沾自喜、缺乏對他人的關注、相信自己應
該得到特殊對待、追求極度嘅讚美和關注、對批評和失敗無法應對等等。不過，心理學家阿德勒
就講過，人或多或少都受自卑情結同優越情結影響，人自卑或自我優越，好多時候都係同童年嘅
經歷有關，要治療就必須糾正童年時一啲心理錯誤啦。
所以，盈盈覺得侵侵都情有可原，不過建議佢同盈盈隔離嗰個成日讚自己靚仔嘅同事一樣，
都要做下心理輔導，糾正一下童年嘅陰影啦，哈哈！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
