RSS訂閱 《笑傲缸湖》盈盈上星期提及過，花旗國總統侵侵（特朗普）畀精神病專家聯名指精神有問
題，話佢患嘅係「自戀症」。最新又有跡象指，侵侵好似真係情緒有問題，因為佢有幻覺！
據報，侵侵喺星期六（１８日）一場集會當中，羅列出歐洲一Ｄ受過恐怖襲擊嘅地方，當中
佢講咗一句：「睇吓瑞典噚晚發生咗啲咩？」暗示佢知道瑞典星期五發生過恐怖襲擊！
不過，事實係，瑞典當晚風平浪靜，根本無襲擊，瑞典首相卡爾．比爾特就乘機抽水，話侵
侵可能「食咗唔知咩煙」先亂講啫！
事件惹來網民嘅一番嘲笑，網民不停喺啲諷刺帖文度加上「瑞典事件」標籤，有人亦拿出瑞
典樂隊ＡＢＢＡ開玩笑，話四人被發現喺瑞典事件當中安全生還，睇嚟咁大件事嘅「瑞典事件」
，的確真係「好多人見到」！
事後侵侵就喺推特度回應返，話自己所指嘅，係「一個霍士新聞上播出嘅故事，講嘅係移民
同瑞典。」哇！咁嘅理由都講得出，侵侵唔通真係同時患上多種精神病？《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
