《笑傲缸湖》侵侵(特朗普)可算係史上最有錢嘅花旗國總統,本身已經擁有大量嘅磚頭作
投資。大家又知唔知,侵侵除咗磚頭多茄殊多,原來連網絡域名都有一大籮!
侵侵要咁多網絡域名做咩?原來早就係為咗做總統鋪路。做總統,當然要打響好多宣傳口號
,為咗等人容易記得啲口號,侵侵率先喺2015年買咗MakeAmericaGreatA
gain﹒vote和MakeAmericaGreatAgain﹒us,兩個月後,佢就
宣布參加競選總統,真係準備充足。
做總統,總唔會順風順水啦!身邊點都有人反對自己當選。想減低反對聲音嘅傳播?侵侵已
經有晒應對方案,就係連反對自己嘅網站名都買埋,好似TrumpFraud﹒org、
TrumpScam﹒com、NoMoreTrump﹒com。
經統計,侵侵宣布參選後,就買入咗93個網站域名,而埋單一計,侵侵至少擁有3643
個網站域名!
至於侵侵第一個網站,就係買於1997年1月20日嘅
DonaldjTrump﹒com,而喺2014年聖誕,侵侵就買咗一個
DonaldTrumpSucks﹒com,夠竟點解要喺聖誕節買入呢個域名呢?呢一點盈
盈就真係諗唔透啦!《任盈盈》
《編者按》本欄搜羅即市傳聞,惟消息未經證實,《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情