RSS訂閱 《笑傲缸湖》「Ｔａｌｅ ａｓ ｏｌｄ ａｓ ｔｉｍｅ，Ｔｒｕｅ ａｓ ｉｔ
ｃａｎ ｂｅ，ｂａｒｅｌｙ ｅｖｅｎ ｆｒｉｅｎｄｓ﹒Ｔｈａｔ ｓｏｍｅｂｏｄｙ
ｂｅｎｄｓ，ｕｎｅｘｐｅｃｔｅｄｌｙ」《美女與野獸》呢個古老嘅故事，喺盈盈小時候就一
直流傳。隨住真人版電影上畫，悠揚嘅主題曲一直喺盈盈耳邊揮之不去。
由過去迪士尼以《魔雪奇緣》一舉帶動純利急增，近年公司繼續努力推出唔同嘅作品，用古
老嘅傳說掀動千萬顆年青觀眾嘅心。如今《美女與野獸》上星期喺世界各地上映，亮眼嘅成績，
亦係迪士尼一個ｕｎｅｘｐｅｃｔｅｄｌｙ嘅成就。
連同花旗國在內，全球票房共３﹒５億美金（即大約２７億港紙），除咗贏得口碑，連「貝
兒」Ｅｍｍａ Ｗａｔｓｏｎ身價亦都暴漲。雖然佢無參演《星聲夢裏人》而同影后一獎擦肩而
過，但當佢轉而著上淡黃色嘅舞裙，呢一種少少角色上嘅改變，反而為佢帶嚟更大嘅迴響。
套戲１﹒７億美金（即約１３﹒３億港元）嘅票房係來自北美，第一星期已經回本，數字大
大打破《蝙蝠俠對超人：正義曙光》開畫票房紀錄。
睇嚟任地球如何差Ｄ被外星人毀滅，都唔及喺偌大嘅城堡入面，同著住寶藍色禮服嘅王子，
大家Ｂｏｔｈ ａ ｌｉｔｔｌｅ ｓｃａｒｅｄ，Ｎｅｉｔｈｅｒ ｏｎｅ
ｐｒｅｐａｒｅｄ，然後蝶舞翩翩演出一場「Ｂｅａｕｔｙ ａｎｄ ｔｈｅ Ｂｅａｓｔ」咁
刻骨銘心。《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
etnet榮獲HKEX Awards 2023 「最佳表現證券數據供應商」大獎► 了解詳情
